Ата анаға сағыныш

Сағыныштың ең үлкені — ата-ананы сағыну,
Мүмкін емес бұл жалғанда орынын еш толтыру.
Қос бәйтерек құлағандай ойсырап тұр ортамыз,
Сағынышпен еске аламыз, жиылып кеп баршамыз.
Біздер бүгін өсіп-өндік, әрқайсымыз үй болдық,
Тәрбиемен сіздер берген тура жолға бет бұрдық.
Төрімізде отыратын кездеріңіз еді ғой,
Не шара деп Алла ісіне амалсыздан біз көндік
Немерелер өсіп жатыр өздеріңді көрмеген,
Есімдерің ешқашан да жадымыздан сөнбеген.
Қос бәйтерек орындарың төрі болсын жұмақтың
Тілегі осы артыңызда бүгін қалған ұрпақтың