Shoof

مهما الدنيا بتعتم
ومهما الحالة بتأتم
ومهما الضيق بيتمكن
لازم بعدها وسعه

جراح القلب تتشافى
وهتشوف انها هيافه
صغيّره و مش متشافه
عدي اتوكل واسعى

وشوف بعنيك
لون البحر ما اتغيرش لسه ازرق
لسه العبد رافع ايده يسترزق
لسه الدنيا زى ماهيه محكومه

ولسه ايديك
قادرة تأدى و تساعد
و لسه العافية في الساعد
لسه احلام بإشاره منك مرهونه


سيبها و ريح اكتافك
شيلت الهم مين شافك
سنين وانت متعكنن
وفهمت ان انت ضعيف

انسى و ربنا هيزيح
قادر يشفي اى جريح
وخليك بس متأكد
انك ف الدنيا دي كضيف