قلبي ورد

قلبي ورد البستان
ناطر ايدك تحوشو
بعدك غصنو دبلان
إلك عطشانة حروشو............
قلبي ورد اوراقو
جفو بعدك واشتاقو
ناطر يمتا .يتلاقو
شروشك تحضن شروشو.......

قلبي .بصرخات الويل
بحبك مهدود الحيل
يسهرلك طول الليل
مجافي النوم رموشو............
قلبي ورد اوراقو
جفو بعدك واشتاقو
ناطر يمتا يتلاقو
شروشك تحضن شروشو......

قلبي عطر بغيابو
معلق ريحو عبوابو
حالف غير بتيابو
لا ما يكون مرشوشو..............
قلبي. ورد اوراقو
حنو بعدك واشتاقو
ناطر يمتا يتلاقو
شروشك تحضن شروشو.......


رمشو سيوف بميدان
بوجهك يوقف خسران
لوشافو النبي سليمان
لأجلو عاف جيوشو............
قلبي ورد اوراقو
جفو بعدك واشتاقو
ناطر يمتا .يتلاقو
شروشك تحضن شروشو.......


عيونك خمرات الكااس
ما خلو عقل بالراس
بنظرة يموتو هالناس
وبنظرة تانية يعيشون...........
قلبي .ورد اوراقو
حنو إلك واشتاقو
ناطر يمتا .يتلاقو
شروشك تحضن شروشو.......

تعال... طال... هجرك
تعال.... كلي .. بأمرك
تعال وهالباقي بعمرك
تعال ...يمي ..وعيشو...........
قلبي هرو اوراقو
حنو إلك واشتاقو
ناطر يمتا يتلاقو
شروشك تحضن شروشو......