بضحك علي نفسي

بضحك على نفسي وعامل نفسي مبسوط
عايش بعاني وبتألم
قدام الناس بتعامل وبتكلم
وأنا من جوايا بتألم وكاتم ومكمل

أصلاً أنا عايش بضحك على نفسي وعامل نفسي مبسوط
عايش باستقبل الجرح واحد ورا التاني
ولا عمري بيّنت لحد ولا قولت إني بعاني ولا اتهزّيت
أصل خلاص أنا اتعوّدت
الجرح فيا بيعلّم والجرح في جرح تاني بيسلّم
وأنا عمري في يوم ما هتكلم
ولا هاقول لحد أنا بتألم
ولا إني بعاني، والله عمري ما هتكلم
ولا هبكي وأقول اللي في قلبي
دا أنا عمري محد سألني مالك
والله لو سألني مالك كنت هسكت ومش هتكلم
كنت هجمّل كلامي وأقوله إني عايش مش بعاني وبسمع أغاني
ومقضيها خروجات مع حالي

بضحك على نفسي وعامل نفسي مبسوط
وأنا من جوايا ببكي وبموت

حرام
حرام أنا بتألم والجرح جوايا بيتكلم
حياة مليانة قسوة وجراح
وقلبي بيحب فيها عمره ما بيرتاح
قلبه شايل ومعبّي وساكت ومخبي

أنا كنت زمان فاكر إني لما أكبر هبقى أحسن
وبقيت كل ما أكبر بحزن واقف قدام المرايا بحكي لنفسي رواية
بقول فيها قلبي جوايا
في الأوضة قافل بابي، آخد ركن جمب دولابي
دموع نازلة من عيني مخبيها عن اللي حواليّا

قلبي من كتر البوكا نام موجوع، كان نفسه يفتح مائة موضوع
أنا قلبي حمّال أسية، مليان جروح مش منتهية
كنت فاكرها مستنيّة، وكلام كتير من نفس النوعية

كنت فاكر إن ليّا عندك خاطر
وكنت بمرّ بمخاطر
قدامك تلجه جَمْدَة في ضهرك، ميا نازلة من الحنفية

ده القلب اللي يحب ويتساب، عمره ما يحب حد تاني ذي الحب الاولاني