Ата эне

Ата-энем

Саамайлары саат санап агарууда,
Санаа менде ансайын жаралууда.
Кең дүйнөгө баталбай көргөн сайын.
Кейийт тура ичинен бала буга.

Уурдап алып кубатын күчүн дагы,
Унуттуруп түндөгү түшүн дагы.
Терең ойго салганы ушул эле,
Телегейим тептегиз бүтүн баары.

Баскандары басаңдап жайлап барат,
Бакыттарым баладан кайрат алат.
Жаш кезинде салынган чоң жоолугун,
Жакшыларым белине байлап алат.

Кожурашып сүйлөшчүү сөздөрү бар,
Коомубуздан,коңшудан көргөнү бар.
Улгайышып баратса кейибейин,
Ушул бакыт жанымда көздөрү бар.

Эрнис Түмөнбаев