هي الصفر ضرب الكل

بليلية القمر حلي
وقلبي بدقاتو غلي
طلت عليي مدللي
بعيون حلوة مكحلي
و ياربي شو حصل إلي
وكيف علقتني بهداب

وأنا قلبي معلق فيها ضل
مجاكرها ما بدو يفل
هي الصفر ضرب الكل
وحبها غيرلي الحساب

أنا لاحقها شرق وغرب
خيالي قبلا ع هالدرب
وعم رشلا ورود الحب
خطوة بخطوة بهالطرقات

وحياة عيونا الكحل
بحبها مافي بخل
وع قلبي حطت قفل
وهي رميت هالمفتاح

وأنا قلبي معلق فيها ضل
مجاكرها ما بدو يفل
هي الصفر ضرب الكل
وحبها غيرلي الحساب