Hanger

القَلْب مِنْ هَمِّه امْكابِرْ
لَكِنَّ صَوْتُهْ بِصَدْرِي ذَلْ
يا عَيْن شُوفِي الزَّمَنْ غادِرْ
والعَدْل فِي عَصْرِنا مُخْتَلْ
والحَقّ ما عَاد لَهْ ناصِرْ
والجَوْر فِي سُوقِنَا يَحْتَلْ
الأَمْن فِي خِدْمَةَ الفَاجِرْ
يَسْكَرْ ويَزْنِي وَلا يُسْأَلْ
والعاقِلَ اعْمَى وهُوْ باصِرْ
يَحْكُم بِغَيْرَ الهُدَى والعَقْلْ
المُفْسِدَ اليَوْم صارْ آمِرْ
والحَقّ فِي حَضْرَتُهْ يُعْزَلْ
رَزَّاز قَدْ خَيَّبَ الخاطِرْ
فِي حَضْرَةَ الظُّلْمْ يِتْجَمَّلْ
الشَّوْك فِي الأَمْن مُتْكَاثِرْ
والوَرْد فِي بابُهُم يَذْبَلْ
العِرْض فِي سُوقَهُم تاجِرْ
يُباع مِثْلَ الغَنَمْ والخَلْ
رِيَاضْ شَيْخَ الفَسَادْ دَاشِرْ
ما خَافْ رَبّ السَّمَا الأَعْدَلْ
هامُورْ نَهَّابْ ومُتْفَاخِرْ
مُحْتَلّ أَرْض اليَتِيمْ واسْأَلْ
يا بُو لُؤَي قِمْرَكُم خَاسِرْ
مَكْشوف ظَاهِرْ مِنَ الأَوَّلْ
وَدَّفْ بِكُم عَبْدُ الناصِرْ
ما حَدْ يِعَوِّلْ عَلَى أَهْبَلْ
رِيَاضْ يا المُشْرِفَ الفَاغِرْ
النَّاسْ لِلْحَقّ تِتْقَبَّلْ
تِمْشِي مَعَ العَيْب وِتْجَاهِرْ
وَلْكُلِّ مَخْنوث تِتْوَكَّلْ
الخُبْث فِيبَكْ غَدَا ظاهِرْ
والمَكْر فِيبَكْ قَدِ اتْغَلْغَلْ
شاعِيش واهْجِيكْ يا فاجِرْ
وارجُو مِنَ اللَّه يِتْقَبَّلْ
مَتْخَاف رَبّ السَّمَا القاهِرْ
وَلا رِضِيتْ يَوْم تِتْعَدَّلْ
جَرَّار فِي نَزْعَتَكْ كَافِرْ
وَسْطَ المَجارِينْ تِتْجَوَّلْ
النَّاس ما بَيْنَهُم ساتِرْ
كُلِّنْ عَلَى جارُهْ اتْسَلَّلْ
لابدّ مِن يَوم يا الصَّاغِر
تَنْقَاد للسِّجْن وِتِتْكَبَّل