احنا خلاص بعدنا

احنا خلاص بعدنا وكل واحد راح فى مكان.
وأنا هقدر على قلبى بعدك وقادر ع النسيان.
انا كنت ليكى الحب.
وكنت ليكى القلب.
وكنت دايما بحسسك بالامان.

انتى خلاص مشيتى وانا كمان مشيت.
بس انا قادر انساكى وانسى انى حبيت.
انا كنت بحبك جدا وياما عليكى ناديت.
بس انتى كنتى فتره و انا خلاص نسيت.

خلاص مع السلامه والباب اهو مفتوح.
انا بسببك تعبت جدا وكان كلى جروح.
بس انا خلاص بعدك هبدا من جديد.

انتى الحب عندك كان كلام يتقال.
و انا حبى ليكى كان حب افعال.
بس انا خلاص مشيت وهبعد بعيد.

انتى خلاص مشيتى وانا كمان مشيت.
بس انا قادر انساكى و انسى انى حبيت.
انا كنت بحبك جدا وياما عليكى ناديت.
بس انتى كنتى فتره وانا خلاص نسيت.

ربنا يعوض عليا بحبيبه تاني.
تبقى هنا جنبى و فهمانى.
وتبقى معايا فى كل حالاتى ومتغبش عنى ومتسبنيش.

دا ربنا كبير وقادر يعوضنى ف يوم.
و اكيد قلبى هيرتاح من شيل الهموم.
ولاقى اللى تشيل من على عينى الغيوم ومعاها انا هعيش.

انتى خلاص مشيتى وانا كمان مشيت.
بس انا قادر انساكى و انسى انى حبيت.
انا كنت بحبك جدا وياما عليكى ناديت.
بس انتى كنتى فتره وانا خلاص نسيت.