تصميم

بدأت باسم الإله المقتدر
رب السماوات والعرش المجيد
​دعوت ربي يجنبنا الخطر
ويجعل العيش صالح والرشيد
​يارب عفوك وتوفق من صبر
وتغفر لذنبي وتهدي للعبيد
​أبي سند هيبتي طول العمر
تاج الرأس والجود والرأي السديد
​أبو أمجد بحبه يفتخر
من علمني العز بالسيف العتيد
​وأمي جنة وفيها يستقر
قلبي ونبضي وحبي لا يبيد
​رضاها نوري وشوف المبتكر
دعائها حرز في اليوم الشديد
​أخواني الصيد ذائعي الأثر
أولهم العز أبو هلال المجيد
​نجم الشجاعة بدى مثل القمر
في موقف العز والشدة شديد
​وأبو عماد الصليب المعتبر
يا درع جنبي ويا السيف العتيد
​له في الكرم والوفا أعلى أثر
شيخ الرجاجيل والعهد الأكيد
​وأبو محمد سلاحي والمَفَر
عالي مقامه كما القصر المشيد
​لو تدعيه المهام في السحر
تلتقيه الصاحب والأخ الفريد
​وأبو عاصم على الشدة جَسَر
نعم الأخو ذي للنوائب كالحديد
​طبع الوفا فيه نهجه والأُثُر
ما يحيد عن منهج الحق السديد
​وأبو خلدون صامد كالصخر
حزام ظهري وشهامته تزيد
​في مجلس العرف أقواله درر
حكمه صواب والنسب شامخ عتيد
​وأبو شعيب الجيد نعم الخَبَر
بحره سجير وفضله مستزيد
​يدعى يلبّي إذا الخطب استعر
فارس ولد فارس وحصنٍ لا يبيد
​وأبو يوسف زيم والمستقر
أخو الوفا ذي معزته بالوريد
​كريم شهم بالفضائل واشتهر
ذكره مع الناس كالمسك الجديد
​وأبو نواف شهمٍ يُشْتَهَر
كفو الشدايد وفي القسوة حديد
​هو ذروتي والجبال والظهر
يبقى عضيدي وعزتي والعميد
​شرعب الرونة بها طاب السفر
بين الجبال الشوامخ والعهد التليد
​جبال شرعب لها فينا أثر
تعز أهل الوفا شعبٍ مجيد
​وآل حزام شيوخ القوم والقدر
أهلي وناسي وأصلٍ يستزيد
​تاريخهم في العُلى وفي الذِكَر
نسل النشامى والنهج المجيد
​وشكري الصادق بكتبه بالقصيد
للكفو محمد الشتوي السديد
​أخو الوفا ذي يجمل لو ظهر
صاحب نقي والمودة لا تبيد
​محمد الشتوي أصيلٍ في البَشَر
له في معالي الوفا رصيدٍ فريد
​والأصحاب رجال بالشدة تسر
سندك في وقت ضيقك والوقت الشديد
​تعرف الصاحب الوفي ذي ما غدر
لو جار دهرك بقى لك كالعميد
​لكن ألا تبّ للأنذال والشرَر
أهل الخيانة والفعال اللي تبيد
​يا كم خبيثٍ بالقفى ظهره دحر
وجهه حجر والمكر فيه يزيد
​لا تحسب الخائن الصاحب يُقَر
بيبيع خله ولو بأبَخَس رصيد
​وهاك يا أمجد وصاتي والعِبَر
يا ابن أبو أمجد ونسلي والعقيد
​احفظ صلاتك وربك المقتدر
وامشِ بدرب الهداية تستفيد
​وكن مع الجيد صامد كالصخر
ولا تحين لغير خلاقك عبيد
​واحفظ جميل الأهل واصبر لو عثر
وخلك نشمي وفي قولك سديد
​ولا تصاحب نذيلٍ أو قَذَر
واكرم ضيوفك وكن رجلٍ رشيد
​وختمها بالمصطفى سيد البشر
صلوا على أحمد وشفيعنا الرشيد
​ما شن غيث السحايب والمطر
وما أشرق النور في الفجر الجديد