لمسة وفاء

يقول سلطان قلبي نحو عطرك هفا
ياورد نفحت عبيره في البدن عافيه
انا الذي بت ارعى فيك لمسة وفا
واتنفسك عطر بين انفاسي الوافيه
وارسم من انفاس عطرك والنسايم صفا
عبير خلا الاماكن كلها صافيه
واكتب ترانيم عشقك في سطوري لفا
حروف وانظم عليها ابيات متلافيه
ياورد رشفة رحيقه للمعذب شفا
لكل عله دفينه في الحشا شافيه
بارد فؤادي يدور عندك اوشي دفا
يتلمس الدفي بين اغصانك الدافيه
ضمه بعطف المحبه قد تعذب كفا
ضمه وقل للمتاعب كافيه كافيه
ياتوأم الروح عشقك في صميمي ضفا
والشوق باتت شجونه في الحشا ضافيه