يصحى الحنين

ليله يخاصمها القمر ... تلبس سواد مفارقين
وسْراج عشّاق السهر ... مطفي فتيله من سنين
والريح تلعب بالشجر ... تعزف لحن مثل الأنين
وفوق الشبابيك المطر ... صوته يصحي النايمين
ويصحى على غفله الحنين
يصحى على غفله الحنين

كانوا حبايب من زمن ... غابوا وطوّل هاللقى
فغْيابهم دنيا الشجن .... غربة عيون مفارقه
يا ليل يلْـ صدرك وطن ... للشوق في عمر الشقى
غطي بعتمك هالوجن ... من دمعنا يا وش بقى
لا ثار في القلب الحنين
لا ثار في القلب الحنين