بقلبك انا

لاااا.. تْخَبِّينِي بِقَلْبِكْ.. و تْرُوحْي لْبِعِيدْ..
بْخَافْ مِن الشَّوقْ يْوَجِّعْنِي.. وْعُمْرِي يْرُوحْ تَنْهِيدْ..
مَعِكْ عَمْ بَنْسَى الدِّنْيِي..
وِالْوَقِتْ يْمِرّْ كْتِيرْ
بِرْتَاحْ بِلَمْسِةْ إِيدِكْ..
وِبْلْغِي كِلِّ التَّفْكِيرْ!
بَسِّ الْحَقِيقَةْ..
أَنَا غَرْقَانْ بِحَنَانِكْ
دَايِبْ بِضِحْكِةْ عْيُونِكْ..
وِبْتَفَاصِيلْ كَلَامِكْ
أَنْتِي نَبْعِ الدَّفَا.. وْبحنْيتكْ عَمْ تْلَاقِينِي
لأَ..
بَدِّي اِغْرَقْ.. وْ جُوَّا قَلْبِكْ تْخَلِّيلِي!
حَابِبْ اِغْرَقْ.. وْأَسْرَحْ بِلَمْعِةِ الْعُيُونْ
بَيْنِ النَّظْرَة وِالْبَسْمَة.. بْيِبْعَدْ عَنِّي شُجُونْ
بَدِّي اِغْفَى بِحِضْنِكْ..
يَا وِيلِي شُو صَارْ؟!!!
مِنْ رِقِّةْ إِحْسَاسِكْ.. بِتِبْعَدْ عَنِّي النَّار
بَدِّي ضِيعْ بِعَبِيرِكْ.. وْأَنْسَى كِلِّ الزَّمَانْ
مَعْ ضِحْكِةْ شْفَاهِكْ.. بْحِسّْ بِمَلْيُونْ أَمَانْ
وِالشَّوقْ اللِّي بِقَلْبِي.. عَمْ يِكْبَرْ يَا غَلَايِّ
تَفَاصِيلِكْ يَا رُوحِي.. هِيِّي فَرْحِةْ دِنْيَايْ!....
بَسِّ الْحَقِيقَةْ..
أَنَا غَرْقَانْ بِحَنَانِكْ
دَايِبْ بِضِحْكِةْ عْيُونِكْ..
وِبْتَفَاصِيلْ كَلَامِكْ
أَنْتِي نَبْعِ الدَّفَا..
وْجَنْبِكْ عَمْ تْلَاقِينِي
لأَ.. بَدِّي اِغْرَقْ.. وْجُوَّا قَلْبِكْ تْخَبينّيْ

وْعَلَّمْنِي حُبِّكْ.. إِنُّو الْوَفَا عُنْوَانْ
يَا زِينَةْ عُمْرِي.. بِقَلْبِكْ أَنَا بْأَمَانْ
أَنْتِي الرُّوحْ وِالْبَلْسَمْ.. أَنْتِي حَبِيبِ الرُّوحْ
وْإِخْلَاصِي لإِلِكْ.. عِطِرْ بِقَلْبِي يْفُوحْ
أَنَا غَرْقَانْ بِحُبِّكْ.. وْمِكْتِفِي فِيكِي لآخِر الزمان