أمي

مهما مرّ عليّ الزمان
وشُوفت من الحب أشكال وألوان

يفضل حبِك ليا دايمًا
هو الإِثبات

إنك أُمِي…
بِفرْض الوقت
والواقَع والزمان

وجودِك بيضمن لي الأمان
وحضنِك دايمًا
بينسّيني كُل اللي كان

تُدور الأيام
وأدَور على الحب
في كل مكان

وأرجع لك…
بعد ما أيــقنت
إن حبِك ملوش مِثال

أُمِي…

إنتِ الحياة الأُولى ليا
من أول لحظة في عمر ليا

وأنا مربوط بيكِي
بحبل سِري

بيجري فيه حب…
ملوش ضمَان

بهرب عندِك
وأنا يـقْيـنِي
إنِك مَلجأ ليا
عُمره ما خاب

حياتي بيكي
مليانة حب
ومعنى… وكيان

اسمِي مربوط باِسمك
وطبعِي يشهد إني ابنِك

وفَخرِي بيكي
يبان في دقات قلبي

كل ما اسمِك ييجي
في أي مكان

حبيبة كل وقت... وزمان
صديقة الدرب و العُمر

بيت الحب…
والحنان… والسلام

ومَلجأ
لكل مرة أكون فيها هربان

وحصن منيع
أحتمِي فيه

من غدر الزمان