دزايري مغربي

دزايري فـالكان، ولد الجيران
عطّيلو ورد، زهر وريحان
عطّيلو حليب، وعطّيلو تمر
بحال جميع البلدان
إكرام الضيف من الإيمان
وترابي جدودنا من زمان

دزايري فـالكان، ولد الجيران
عطّيلو ورد، زهر وريحان

مرحبا بولاد الناس
اللي يزورونا من الجيران
من أوروبا ولا من وهران
ما نخلطوش ولاد الناس
مع ولاد العديان

كيف قال سي لقجع:
الدار دارك، Welcome فكل مكان
هادي بلاد الخير، الأمن والأمان
نساندوك حتى فالتيران
وراية بلادك راهي كتترفرف
وسط أعلام البلدان
ما عندنا نقص ولا عقد
فهاد الميدان

النشيد الوطني ديال الجزائر
غنّاه بعض المغاربة الشبان
أمر عادي، Normal
حيت ما تربّيناش على عداوة الجيران

دزايري فـالشان، ولد الجيران
عطّيلو تمر وزيدو زهر وريحان

لا خوف عليك، كما تدين تُدان
أفعال الشيطان ما يخلّصهاش
الطيّب والمربّي
من ولاد الناس، من الجيران
رسالة سيدنا الله ينصرو
واضحة للعيان

اللي يبغينا نبغيوه
واللي يلقانا يلقى غير الإحسان
المسيء للكرة راه غلطان
الأخلاق والترابي
كيبانوا فالميدان
والشهم ماشي حيوان

دزايري فـالشان، ولد الجيران
عطّيلو تمر وزيدو زهر وريحان

اللي يحسبنا مدلولين راه مهبول
الذل ما يجي غير من الجيعان
الكرم وحسن الجوار
ما يفهمو غير
اللي قلبو بالإيمان شبعان
هدا درس لبعض العديان
اللي كيزرعو الفتنة بين البلدان

ليعلم العالم au final
ولد الناس ماشي حيوان
والرابح باين من الخسران
وهادي رسالة أغنية:
خوة خوة – CAN 25

ليك أخاي RedOne
Dima Maghrib
Dima l’âzz l’bladi
1 2 3 Viva l’Algérie
ولاد الناس لحرار
من الجيران
اللي فاهمين الفيلم
من زمان