కానవచ్చితి నేడు శ్రీ వేంకటరమణుని

కానవచ్చితి నేడు శ్రీ వేంకటరమణుని..

ద్వారకా పురమందు ఇంపుగా వెలసిన
పద్మావతీ యలమేలు పతిని నేడు

గరుడ మారుతి గట్టిగాను కొలువ
వేద పండితులు మేటిగా అర్చింప

రజనీకర మోహన బింబము
చిరు చిరు నగవులొనరింప

శోభిల్లు సప్త స్వర సుందరులు
రాజీవ నేత్రుని మహిమలు దెలుప

పరివారమంత పదిలముగ, పలుమార్లు
ఉన్మీల్య నేత్రునికి ఉపచారములు జేయ

కాన వచ్చితి నేడు చూడవచ్చితిని
శీఘ్రముగ పవన సుతుడ నేలెడి స్వామిని

కానవచ్చితి నేడు శ్రీ వేంకటరమణుని..

ద్వారకా పురమందు ఇంపుగా వెలసిన
పద్మావతీ యలమేలు పతిని నేడు