ديروط

يَا سَلامْ عَلَيْكِي يَا دِيرُوطْ..
يَا أَجْمَلْ صُورَه وَأَحْلَى صُوتْ.
أَهْلِكْ رِجَالْ.. تِشِيلْ أَحْمَالْ..
وَقْتِ الجَدْ فِي الحَدِيدْ بِتْفُوتْ.
يَا سَلامْ عَلَيْكِي يَا دِيرُوطْ...

وَرَبِّنَا يِجْعَلُهَا عَامِرْ..
فِي الجِرْفْ.. وَالعَوَامِرْ.
فِي الخِيرْ مَالْهُمْشْ حَلّ.
وَدِيرُوطْ المَحَطَّه.. حَبِّيتْهَا حِتَّه حِتَّه.
مَهْمَا تِعِيشْ فِيهَا عُمْرَكْ مَا تِمِلّ.


يَا سَلامْ عَ دِيرُوطْ.. يَا بَلَدِ الجُدْعَانْ
مِنْ صَنْبُو لِدَشْلُوطْ.. وَالكُودِيَّه كَمَانْ.

لِدِيرُوطْ الشَّرِيفْ أَجْمَلْ تَحِيَّه.
أَصْلْ وَفَصْلْ وَنَاسْ عَفِيَّه.
وَنَزْلَهْ عَبْدِ اللهْ.. وَلَا كِلْمَهْ..
أَدَبْ وَعِلْمْ وَنَاسْ مُسَالِمَه.


مِنْ دَشْلُوطْ الكَبِيرَهْ.. وَمِنْ صَنْبُو الأَمِيرَهْ.
تِلَاقِي أَجْمَلْ جِيرَهْ.. بِتِحِبْ لِيكْ الخِيرْ.

مِنْ أَبُو الهَدَرْ لَامْشُولْ.. الحُبْ بَيْنْهُمْ بِطُولْ.
وَسَرَقْنَا مَعَاهُمْ عَلَى طُولْ.. فِيهَا أَجْمَلْ طِيرْ

وَبَانُوبْ ظَهْرْ الجَمَلْ.. وَالحُوطَا فِي حُضْنْ الجَبَلْ.
فِيهَا عَزِيمَهْ وَعَمَلْ.. بِيَاخُدْهَا لَقُدَّامْ.

المَنْدَرَهْ وَبَنِي يَحْيَى.. الرُّوحْ فِيهَا تِحَيَّا.
وَجَمِيلَهْ فِي كُلْ نَاحْيَهْ.. رُجُولَهْ مِنْ غَيْرْ كَلَامْ
الزَّاوْيَهْ وَمُزَيْنَهْ.. فِيهَا العَقْلْ زِينَهْ.
وَكُلْ عِزْبَهْ صَغِيرَهْ.. فِي القَلْبْ فُوقْ الرَّاس

مَا تِحْكِيشْ عَنْ بَبْلَاوْ.. وَلَا جَمَالَكْ يِسَاوْ.
وَبَاوِيطْ كُومْ إِنْدَاشَهْ.. دُولْ أَجْمَلْ نَاسْ.