Азаматтар

1)Болсақ егер, күмәнсіз таза мақтар
Ауылда бар ер тұлғалы азаматтар.
Ел басына күн туса, атқа қонып
Жібермейтін бойларын мазалап ар.

Санасына жолатпай кесір қылық
Қабылдаған қашанда шешімді нық.
Бір бауыры кетсе егер шын адасып
Туралыққа жіберер көшін бұрып.


Жөн көрдім, тек бірлікке шақырғанды
Сеніммен келер таңды атырғанды.
Қолда барда, алтынның қадірі жоқ
Барында бағалайық батырларды.

2)Тұрар әркез, бас көтеріп тұғырда мың
Жөн болар сыйластықты ұғынғаның.
Ауыл үшін дайын тұр от кешуге
Шүберекке түйіп алып шыбын жанын.

Көпшіліктің қабылдап сын-сұрағын
Сақтай білген, жұртының ынтымағын.
Бір бағытта жөн көрсетіп келе жатыр
Қалың жұрттың сейілтіп мұң тұрағын.


Жөн көрдім, тек бірлікке шақырғанды
Сеніммен келер таңды атырғанды.
Қолда барда, алтынның қадірі жоқ
Барында бағалайық батырларды.


3)Өзге жұртқа, әлсіз боп көрінбелік
Қиын-қыстау кезде де бөлінбедік.
Шын пейілмен, қарсы алар ауыл жұрты
Құдайы қонақ келсе төрін беріп.

Ауылға жылы жүзбен, келсең кіріп
Көтеріп жүр, қашанда еңсеңді тік.
Бір кісідей атсалыс жұртшылықпен
Танытып, ел алдында белсенділік.


Жөн көрдім, тек бірлікке шақырғанды
Сеніммен келер таңды атырғанды.
Қолда барда, алтынның қадірі жоқ
Барында бағалайық батырларды.