Ssss

Bu dunyoda bizga visol yoʻq,
Armonlarim ichra pinhona.
Muhabbatdan yuz burgan oʻsha,
Oʻsha bizmiz tanish devona.
Bu dunyoda bizga visol yoʻq.
Iloji yoʻq kechimishmiz zero.
Bir kun oʻlib birga boʻlarmiz,
Lek hozircha ? yashaymiz ayro.
Bu dunyoda bizga visol yoʻq,
Berilmagan diyor onlari.
Yillar oʻtib oradan necha,
Otar balki baxtning tonglari.
Bu dunyoda bizga visol yoʻq,
Goʻyo torlik qiladi samo.
Chin oshiqlar birga boʻlmaslar,
Axir bir kam dunyoda, dunyo.
Bu dunyoda bizga visol yoʻq,
Nasib degan jumla notanish.
Yoki taqdir kuladi atay,
Qismatlarda bitilgan yonish.
Bu dunyoda bizga visol yoʻq.