Дос

Дос іздеп жарты ғұмыр текке кетті,
Дос деп есептегендер өкпелетті.
Темекі қызыл шоғы сөнді, сосын,
Содан соң өкпе кетті...
Бауыр жоқ сағынғанда кел дей тұғын,
Ауыл жақ достық іздеп шөлдей тұғын.
Адамның ғұмыр жасы шектеулі ғой,
Бірақ достық ғұмыр бар өлмей тұғын.
Бір досым бар еді ғой, нар тұлғалым,
Қазір алып шаһарға бардың бәрің.
Сендерді іздеуден мен шаршамаймын,
Сендерде іздеп тұрың алтындарым.
Тез өкпелеп қалатын жаман достай,
Сөз бастайсың неліктен амандаспай.
Хәл сұрау үшін де хабарласшы,
Пұл сұрау үшін ғана хабарласпай.
Сырттан күліп, ғайбатқа құмарсыңдар,
Бас болса сөз төркінін ұғарсыңдар.
Иттің өзі адамға адал дос қой,
Иттен төмен жан емес шығарсыңдар.