Ғашықтық ғазәлі

Verse:
Жазбадың дейсің жыр арнап,
Жанымда жүр-ау ғажап үн.
Таппадым ұйқас түн аунап,
Шабыттың жұттым шарабын.
Не деген сезім тым ыстық!?
Сыймайтын өлең өлшемге,
Шайырына ұқсап Шығыстың,
Жазамын ғашық ғазалін.
Verse:
Хауызға келіп шомылған,
Тәйір-ай, хордың қызымең.
Садаға кетсін жолыңда,
Фәнидің сенсіз құны кем.
Берер ем деген мең үшін,
Шаһарын екі Шығыстың.
Жаныма жақын мен үшін.
Хафиздің күйі шынымен.
Verse:
Әдірем қалсын ақындық,
Әуреге түспей қоярмын.
Тек адал махаббатымды,
Түсінсең болды аяулым.
Ұйқасын ұқсас таппадау,
Өзеуреп өлең сымағым,
Оқиын рубаяттарын,
Одан да Омар Хайямның.