الدنيا اتقل خيرها

إللى كانو زَى ضِلِّك
إللى صَاحبك وإللى خِلَّك
كُل واحد .. شافلو سِكا
لما شافوا .. كَام دَاَخِلِّك

واللى خَد مِنك وساب لك
قُولت صاحب وإتحسبلك
النهاردة يدارى وِشِو
لما فى الشارع يِأبلاك

وإللى عَالبَطَّاَل يزوأاك
واللى يِرغى كِتير فى حقك
دُول و دُول يصعب عليهم
لوأما لو كانت فى بوأك

ناس كتير فالدُنيا جَنبك
وإنت دايما بتراعيهم
لا يا ألبى فوء لنفسك
غدارين الله يجازيهم

الدنيا إتقل خِيرها
لما جابت آخرها
وياريت فيه دُنيا غيرها
بتغيَّر خط سيرها
ونشوفها بشكل تانى
فيه فَرْح وفيه أغانى
مافيهاش واحد أنانى
وصُغيَّرها وكِبيرها
يتساووا راس براس
مش دنيا عَالمأس
دايما ترفع فِى ناس
وناس بتجيب آخرها

لو لِسا فيه عندك كلام عاوز تؤولوه ؤولوه
صدقنى ممكن أسمعك لو حتى اليوم بطولوه
بس إستحالا فيوم أسَدَّأ كلمة لِحَد خاين
ياعم دانت فى لون عينيك بنشوف الكدب باين
بياع كلام .. ودماغ تمام .. ومَعَلِم عالزبايين
ألبى فغرامك شاف معاك أكتر مالناس ألُولُوه

الدنيا إتقل خِيرها
لما جابت آخرها
وياريت فيه دُنيا غيرها
بتغيَّر خط سيرها
ونشوفها بشكل تانى
فيه فَرْح وفيه أغانى
مافيهاش واحد أنانى
وصُغيَّرها وكِبيرها
يتساوو راس براس
مش دُنيا عَالمقاس
دايما تِرفع فِى ناس
وناس بتجيب آخرها .