Sabato sera il Laguna

(Intro – parlà, ritmo disco lento)
Xe sabo sera, ma senti già el casin…
da le tre del pomeriggio… par carneval senza fin!
(Strofa 1)
Xe rivà i giovinastri co el treno da la Camponogara,
co le casse, le birrette e la voja de far cagnara,
“Addio al celibato!” i urla sensa freno,
co la sposa vestìa brutta, che barcola e dopo rutta!
Par le calli che rimbomba tuto un gran fracasso,
tra cori, risate e imbriaghi tutti a spasso,
Venezia la sospira: “Ma cossa xe ‘sta roba qua?”
pare più un luna park che ‘na città!
(Ritornelo)
Oh mama mia che notte quel sabo notte,
Mi vorìa ciaparli a botte!
urli e cori fin sora i ponti,
co ‘sti mati deficienti...
Venezia pianze ma dopo la ride,
co ‘sti campagna che i casca e i stride,
tra un addio al nubilato e un altro brindisin,
xe tuto un gran casin fin al matin!
(Strofa 2)
I alcolisti cronici se gà svodà na cassa,
i gira barcollando , ma la bàea no ghe passa!
“Qua xe festa!” i pensa contenti,
ma i se fa maledir dai residenti,
Ghe xe chi canta, chi pissa par tera,
chi parla co i muri, e chi dovarìa star in galera...
e el gondolier che varda e fa: “Mah…
qua ghe vol più pazienza che acqua in canal!”
(Ritornelo)
Oh mama mia che notte, quel sabo notte,
Mi vorìa ciaparli a botte,
urli e cori fin sora i ponti,
co ‘sti mati deficienti!
Venezia pianze ma dopo la ride,
co ‘sti campagna che i casca e i stride,
tra un addio al nubilato e un altro brindisin,
xe tuto un gran casin fin a matin!
(Bridge – più lento, ironico)
Ma tra ‘na risata e un “dai bevi ancora”,
la luna spia la laguna da sora ...
e Venezia, tra risa e tra pianti,
la sopporta tuto… e la va sempre avanti!
(Finale – allegro, esplosivo)
E quando vien l’alba e tutti va via,
resta solo scoasse, e un’ombra de malinconia...
i giovinastri dorme sparsi in campagna qua e là…
e Venezia la torna… la sua maestà!
(Ultimo ritornelo)
Oh mama mia che notte quel sabo notte,
un gran teatro sensa frontiera,
tra imbriaghi, cori e fantasia,
Me vien da pianger...
Povera Venezia miaaa!!!