Қазақ хандығы

1465–1466 жылдары Шу мен Қозыбасы өңірінде жаңа мемлекет – Қазақ хандығының негізі қаланды. Бұл тарихи оқиға Керей хан мен Жәнібек хан есімдерімен тығыз байланысты.
Олар Дешті Қыпшақ даласында билік жүргізген Әбілқайыр хан саясатына наразы болып, өздеріне ерген ру-тайпалармен Моғолстанға қоныс аударды. Моғолстан билеушісі Есен-бұға сұлтандарды қолдап, жер бөліп берді.
Осылайша дербес Қазақ хандығы құрылып, Керей алғашқы хан болып сайланды. Бұл оқиға қазақ халқының біртұтас мемлекет ретінде қалыптасуына жол ашты.