Жылуулук

Жакшы сөзүң көңүлүмдү эргитти,
Жан дүйнөмдү коргошундай эритти.
Жараланган жүрөгүмө гүл өнүп,
Жабыркаган сезимимди сергитти
П: Карыны жашарткан-сүйүү,
Караны агарткан-сүйүү,
Жүрөктү ырдаткан-сүйүү,
Сезимди ырбаткан-сүйүү.
Күн баткандан таң атканча жөн койбой,
Түн тынчтыгы алып учту жан козгой.
Үн чыгарбай батып сезим кыялга,
Ыр жазылды махабатым сени ойлой.
П: Карыны жашарткан-сүйүү,
Караны агарткан-сүйүү,
Жүрөктү ырдаткан-сүйүү,
Сезимди ырбаткан-сүйүү.
Кээ учурда көп нерсени ойлонуп,
Жүргөн кезде санааларга ойдолуп.
Сенин мага кереметтүү сөздөрүн,
Дем күч берет, жүрөгүмдү ойготуп.
П: Карыны жашарткан-сүйүү,
Караны агарткан-сүйүү,
Жүрөктү ырдаткан-сүйүү,
Сезимди ырбаткан-сүйүү