اهواك

أهواك يامولى الصفات البديعه
يامن بوسط القلب والروح حليت

ياطيف في بالي أخذت الطليعه
وفي مدن ودي تملكت لك بيت

قد صارت أفكاري ببعدك صريعه
والشوق يحرقني إذا عني أقفيت

بادر بوصلك صك باب الذريعه
وأنا على شانك ضروفي تناسيت

حان اللقاء بعد السنين المُضيعه
هات الدواء شفني من البعد عانيت

حالي بدونك عمر فاقد ربيعه
وفي وجودك تحيي أحساسي الميت

صارت فؤادي من رموشك خليعه
سافرت في نظرة عيونك وضليت

لاتتركيني بالدروب الـمُريعه
أنتِ الأمل لاهل نورك وضويت

وعشقنا عبر ألاذاعه نذيعه
قصه كما عروه وعفراء وجوليت

وأن كان حبك تسليه أو صنيعه
أبقى الصراحه يالغلا كيت او كيت