Weldi

Ya weldi
Ba3d zawaj 3amin m3a bent l’aṣl
Konna bik 7almin, l3a9l fik 7aṣel
Konna n7asbo l’ayyam, n'd3iw Rab ljalal
Ya Rabbi ya Ra7man, 3abdek f ṣabr fashel


---

Ya weldi
Jiti, kolchi fra7 bik
Men nharak, 3ziz w ghali
Ana w mamak, ch7al 7lemna bik
N7asbo l’ayyam, imta tsali
Tana bghit chi copie meni ykon f 7ali
Tana bghit ṭarf meni yhzz ddem dyali
Tana bghit li ndmer 3lih, nkhsar 3lih mali
Tana n3ṭih ga3 li 3ndi, la obali


---


Ya kebdi
Smatk mamak 3la jddk
3omar, zin smiya
Tmenito ykon hna yhezzek
Yfraḥ bik, konti lih omniya
Mcha 3nd Allah, ga3 ma 7dar lik
Lakin roḥo far7ana, men lfo9 katchofk w td3i lik


---


Ya demi
Bghit nwassik wasaaya
Thalla f mamak, rḍaha howa lɣaya
Kon t3raf ch7al t3adbat, meskina
Men ba3d lwalida, chft fiha l’om lḥnina
Ma bghitkch tkoun f 7ali, kon nta
Hit lwa7id li nbghi ykon 7san meni, howa nta


--

Ya ḥbibi
Lfamiya hiya l’ola, 3andak tensa
Ma 3andk ma dir b ktrt ṣṣ7ab
Ta7ed ma ystahel tani forssa
Sseb3 ma 3ndo ma ydir f wst lklab
Had chi li kangol lik, rah galo liya jeddk
Kont brhouche, ma sma3tch lih
Daba ana nṣa7tk
Ma bghitkch tndm ndamti
Ya wldi, Rabbi yḥfdk