Авторы: Назым Арапбаева

Сүгір мерген - рух ордасы қайнары,
Назарымды нысанаға байлады.
Ата дәстүр садақ ату мұрамыз,
Сіз арқылы өлкемізге жайлады.
Индира ұстаз туылған күн бар мәні,
Орындалсын дара жанның арманы
Ханым дейік, бауыр дейік, дос дейік,
Жыр жолдары сыйластықтың айғағы.
Сабырлы жан бар сөзінде салмағы,
Қиналса да берген серттен таймады.
Ынтымақты орта құрып ырысты
Додаларға шәкірттерін сайлады.
Серпердейін серік еткен жай-жағы,
Жұмырынан ұшқан оқтай самғады.
Дәл осындай қайсар қыздың мекені,
Әуле ата өңірінің бар бағы!
Артта қалды ірге соққан айлады.
Жарыс десе жел еседі айдары,
Сүгір көшін бастап келе жатырсыз,
Жеңіс үшін төрт құбыла сай бәрі.
Құндылықтың бұзылмасын қаймағы,
Даламыздай пейілі кең жайдары.
Қазағымды күллі әлемге танытсын,
Адырнаға байлап шыққан байрағы