Venessia viva

(Intro parlato)
«Tanti canta Venessia par i foresti, par le màscare, i palàssi e i tramonti... Mi, inveze, vogio cantar la Venessia che se sveia prima del sol. Quéa dei fornèri, dei pescaòri, dei maestri del vero, dei gondolieri, dei barcaròi e de e done che, co coraggio e amor, ga tenùo in pìe e famege. Questa xe la nostra Venessia... la Venessia vera.»
(Strofa 1)
Quando ancora el giorno no se vede,
el fornèr impasta col cuor.
Tra la farina el canta e el crede,
che ogni pan porta un poco d'amor.
A Muran el fogo fa miracoli,
el vero danza tra le man.
Ogni maestro ghe mete l'anima,
come un artista de sta città.
(Ritornello)
Venessia, Venessia, ti xe la me vita,
nata tra l'aqua, el vento e el mar.
Co man consumà da fadiga infinita,
ma sempre pronti a ricominciar.
Venessia, Venessia, città del mio cuor,
de gente sincera che no sa molàr.
Fin che ghe sarà chi lavora con amor,
la nostra laguna continuerà a cantàr.
(Strofa 2)
El pescaòr parte che xe ancora scuro,
tra le barene el conosse ogni canton.
El mar el xe duro, ma el so cuor xe sicuro,
perché la laguna ghe dà la passion.
A casa la speta na finestra verta,
na careza, un piato caldo e un baso.
Xe l'amor che ogni sera el riporta,
dopo na zornada de gran lavor.
(Ponte)
E le done de Venezia... mama mia che forza!
E ga governà case, fioi e destìn.
Co l'orgoglio nel peto e la testa sempre alta,
mai indrìo davanti a nisun.
E xe fogo, e xe vento, e xe màr,
co un sorriso che no morirà.
Senza de eòre, senza el so amàr,
Venessia no sarìa qua.
(Ritornello finale)
Venessia, Venessia, no ti xe cartolina,
ti xe sudor, speransa e dignità.
Profumo de pan e salsedine fina,
che resta nel cuor par l'eternità.
Venessia, Venessia, no ti morirà mai,
finché un remo farà cantàr el canàl.
Finché un fornèr impastarà el so pan,
e un pescaòr tornarà dal mar.
(Finale)
La vera ricchezza de Venezia no xe l'oro... Xe la so gente.
Quéa che ogni matina se rimboca e màneghe, lavora, sogna, ama... e, sensa far rumor, ea tien viva la città ,
parchè Venessia xe viva ... ... ... ... viva Venessiaaaaaa !!!!!!