تبختري

تبختري يانور هالحفل حياك
وطلي على كل المكان بحلاتك
الله عطاك الزين والملح غطاك
سبحانه اللي كملك في صفاتك

شوفي القلوب اللي حضرت من غلاتك
كلن بيوم الخطوبة هنَّاك
ربي يحقق لك جميل امنياتك

الليل فوق المتن يكسي حلاتك
والورد ياخذ روعته من شفاتك
و اشرق قمر شعبان في محياك
عسى السعادة ما تفارق حياتك

تبسمي يا ملاك والشِعر ما عمره اوفاك
الشِعر ماخذ من مشارف سماتك
يزفك العالم على دقة خطاك
اللي خذاك بطيب من طيب ذاتك
في عينه يحطك وسمَّاك

غالب من يوم افتتن من بهاتك
كفو يحوز الزين في مزاياك
رمز الوفاء والطيب ياغناتك
شهمن ضحك سِنّه على همس لقياك
وانتي على شوفة سعادة مناتك
يمناه ضمت بأطهر الحب يمناك
لو تطلبين عيونه يقول جاتك
ربي يبارك بك لشهمن تمناك
ويسعد حياته بك ويسعد حياتك