مدينتي

مال يا هاذ المدينة بحال ليتيمة تݣولي ما والدة اولاد
ذاك الشي اللي فيك باقي وحتى شي فيك ما اتزاد
طاح حمار الخيمة ،ݣلعجذور لرض ونوض تا لوتاد
سولت الناس اللي فيك ،جاوبوني ݣالو ليا راه ما عندها ݣواد
تساريت فادروبك وازناقيك حتى اوصلت لبن عباد
شحال منهم بحالي فيها اقراو، اتغربوا ومشاو ابعاد
واللي فيك حصلوا، ما القاو عوين ،ما القاو اسناد
واللي جاو ليك،رباو الريش،وݣالو هما اولاد لبلاد
كيف البارح كيف اليوم ،هذا اسحور فيك شاد
لا فاش اتنسي ،لا فين اترسي، لا جردة لا واد
الزواق ايطير وما ايصح غير الصحيح اللي شاد
لا من ليك ايرد البال،لا من يصلح ولا من ايݣاد
ليك الله يا مدينة ،عيينا وكل واحد فينا فمو ساد