Songteksten
Күн шуағым – Нұрға толы Анашым,
Махаббатқа құндақтаған баласын.
Табаныңның сүйейінші жарасын,
Әр қадамның құнын ұқтым, Анашым.
Жүрегіңнен таптым жанның панасын,
Шын жанашыр жалғыз өзің ғанасың.
Сақтағандай көздің ақ пен қарасын,
Ұл-қызыңды жетектетіп барасың.
Қ-сы:
Махаббатым, Мақтанышым, Ардағым,
Шындығы сен өмір дейтін жалғанның.
Қадіріңнің білу үшін салмағын,
Білемісің өлшем жетпей қалғанын...
Қамқорлықпен шаң жұқтырмай бөлеген,
Мейірімді көздеріңнен көрем мен.
Еңбектерің ұл-қызыңды көтерген,
Не қылсам да өтелмесін білем мен.
Қуанышым, Жұбанышым, Жігерім,
Топқа түссем, тақым қысып, төзгенің.
Кіндігіммен байлаулымын білгенім,
Ұлым бар деп, күдеріңді үзбедің.