وداعا

صايي يا ڨلبي… صايي
خلاصت لحكاية… عدّيها وفوت
وارضى بالمكتوب...Histoire شابة
تْقَدْرَتْ عليها النهاية… هاااكذاا تكون

آا ڨلبي… c’est finiــ
ومتسولنيش علاش راح وخلّاك؟
باسكو لي بغيتو… عمرو ما بْغـَاك

وكاين ضُرّ… تصِيبْ دواه لفراق
علابالي ياااڨلبي واعرة عليك باش تروح وتنساه
بصح لِيَام راح تْقَرِّيييكْ… تعيش بلا بيه
ياااا غير ارضى بالمكتوب روح وخليه
ماشي كل ما تتمناه يكون
وماشي كل حكاية لازم تكون
خلّينا نروحو يا ڨلبي… ومتسولنيش علاش
باسكو كاين différence
بين لي يبغي… ولي ما يبغيش

آاااا .... ااااااا… يااآاحمزة…
راح نطوي الحكاية… مانرميهاش
ونخلي آخر صفحة بين يديك
غادي الوقت… يشرح ليك كلشي كان

ونخلي souvenir… تبقى مْكَانِي
علابالي… راح تدير الكوراج وتنساني
وكل واحد فينا يكمل أيامو
والوقت يبدّل عنوانو

مي نهار اللي نغيب…
وتبقالك الذكريات يمكن تفهم بلي بعض الغْيَابْ…
ميتعَوَضَش… مهما يطول الزمان

عييت نفوت… كلي والو ما صار
بصح التالية منك خلاتني نستعرف بلي صايي بيناتنا ، باسكو هاد الخَطْرَة الضربة جَاتْنِي في وقت الشدّة …
كلشي تَفْضَحْ… وكلشي بان

وإذا شي نهار سمعت إسم رِحَاااااابْ
من غير ما تنادي عليّا
ما تحزنش… اضحك وقول :
كانت هاذي آخر وصِيِّتْهَا لِيَا

مالڨري سمحت فيا… مي متنساش
بلي بغيتك أكثر من أيي حَدْ كان …..
ومتقولش راحت ونسات
قول: كانت معايا فيدال… وضيعتها من بين يديّا
يمكن البُعد يكون أرحم منك عليّا
ويمكن لفراق يداوي لجراح اللي بيا ...

Merciعمري على cadeau لي هديتو ليا
جزاء عشقي ليك وصبري لي طال بيا
تسع سنين دازو كي لمنام
خذلان وضر وغياب… هكذا كان تكريمك ليا
وخليتني وحدي نداوي في الضُّرْ اللي فيا


ڨلبي مراحش ينساك
مي غادي يحاول يكملها وحدو
من غير ما يستناك

منيش نْغِيضْ فيك… أعينيااا
مي راح نروح… والسْكَاتْ شاهد عليّا
واللي مَقْدَرَشْ مني يتقال
نخليه بينك وبين الدنيا