Туғилган кун

Oq sut bergan onang, duoda otang,
Yuzingda jamoling, ko‘zlaringda nur.
O‘ttiz bahor ko‘rib, ulg‘aygan qizim,
Haq bergan ne'matga ming bor tashakkur.
Ko‘zimiz quvonchi, xonadon ko‘rki,
Shirin so‘zing bilan dilni xushlaysan.
Shinam xonadonga nur olib kirib,
Bugun o‘z qasringni go‘zal ushlaysan. Ikki alp o‘g‘ling bor — tayanch va g‘urur,
Bir shirin qizing bor — o‘zingdek dilbar.
Sening baxting bilan obod uyimiz,
Sen bilan munavvar har bitta sahar.
O‘ttiz yoshing muborak bo‘lsin, Dilshoda!
Bo‘ylaringga qarab quvonar ko‘zlar.
Bolalaring kamolin ko‘rib yurgin sen,
Senga bahor bo‘lsin barcha bu kuzlar.
Baxting butun bo‘lsin, tabassuming pok,
Eningda har doim bo‘lsin sog‘liging.
Ota-ona uchun eng katta davlat —
Sening baxtli ko‘rish, sening borliging!