شِعر دخولية عروس

ارحبي ياللي بحضورك تمتلي الدنيا جمال
والقمر ينساب ضيه فوق ممشاك ويسيل
مقبله وما كأنك الا من أميرات الخيال
والسحايب خيل وتردف موكب النور الطويل
في زفافك لو تهني الأرض نجمات الليال
من غلاك إنشوفها يا ياسمين في حقك قليل
كيف لا وانتي اللي وجهك عافيه وراحات بال
ومن جمالك لا ابتسمتي كل شي يصبح جميل
ضحكتك يا ياسمين غيمه وصوتك الماي الزلال
وطلتك فيها مهابة من يناظرها يخيل
وقفة المهرة الأصيلة..
عين ومِعْنِق غزال
وان مشيتي
من الرزانه
كنك الشعر
الجزيل
..... ......