كسر باب الزمن

قاعد في ضلمة الأوضة، والوقت واقف مابيتحركش



شريط حياتي بيتعاد قدامي، وصور عيني مابتسيبهاش
جوايا بركان شغال، وصوت في راسي مابيسكتش
بسأل نفسي في كل دقيقة: "أنا ليه واصل لهنا؟"
كل يوم بيبدأ بنفس الفكرة، ونفس الكابوس اللي مابينتهيش


بصحى وعيني بتدور على السكة اللي تخليني أعيش
نفسي أوقف،


اةةةةة ايوة
نفسي أصرخ وأقول "خلاص كفاية"
بفكر أهرب من الدوامة دي، بس مش عارف فين النهاية؟
الخطوة تقيلة، والطريق ضباب، ومش شايف قدامي نور
كل ما أقول "بكرة هبطل"، ألاقي نفسي تاني بلف وبدور
الخوف ساكن في عروقي، والضعف كاسر فيا
بين رغبة في النجاة، وبين إدمان رامي ورايا الدموع
​
أنا مش عايز استمر في السكة دي، أنا تعبت خلاص
الروح بتدبل جوة جسمي، ونظرتي مكسورة وسط الناس
مش قادر أخد خطوة، الحبل مشدود حوالين رقبتي بقوة
جوايا صرخة عاجزة: "ارحمني يا رب، مابقاش فيا حوة"
أنا مش عايز الاستمرار.. بس مش قادر أعدي السور
محبوس في سجن الهلاك، ومستني لمسة من النور
​
وفجأة وسط العتمة دي، بتظهر طاقة أمل بعيدة
بتيجي في بالي ذكريات، كانت أيامها روحي سعيدة
بشوف نفسي وأنا صغير، طفل صافي القلب والنية
ضحكتي كانت من القلب، والبراعة مالية عينيا
كنت بضحك من غير سبب، وبجري ورا الأحلام في الهوا
مكانش في بالي هم، ولا كنت أعرف معنى الدوا
الطفل الصغير ده.. هو اللي فاضلي من ريحة الجنة
هو الحبل اللي بتمسك بيه، هو النجاة اللي بتمناها وأستنى
يا ريتني أرجع ولو ليلة، ألمس براءتي القديمة وتصفي الأيام
الذكريات دي هي سلاحي الوحيد ضد الموت والأوهام
​
بس الحقيقة المرة بتخنقني، وبتفكرني باللي كان
كان في روح تانية معايا.. كانت عايشة في نفس المكان
روح نقية، بريئة، كانت بتشبهني زمان بكتير
ضاعت مني في الطريق، سيبتها ورايا في زحمة المصير
كأني قتلت نفسي بإيدي، ودفنت النص الحلو في التراب
وفضلت الروح العليلة، اللي عايشة في وهم وعذاب
ببص في المراية وبسأل: "مين اللي واقف قدامي ده؟"
أنا مش عارفني، ولا فاكر الوش اللي تاه في

أنا مش عايز استمر.. مش قادر أعيش كده تاني
الذكريات البريئة هي نجاتي.. هي اللي باقية من كياني
يا رب مدلي إيدك، ونورلي السكة اللي تاهت في العتمة
عايز أرجع الطفل الصافي.. وعايز الروح التانية ترجعلي بالرحمة.