يا لبلب ،، شعر عبدالسلام عبدالله

يا لبلب يا لبلب

هوى يا غالية يا لب لب
أمانة عليك يا لبلب



بدور اساْءلك. و اختك
في وضع شائك اصعب



وين انا شفت. الزيها
ام لهجا عسلو. معلب



و عيونا ظلال و مرافئ
وواحة. لزولا. متعب



غمامة سحابة. ومطرة
للعطشان تصبح مشرب



نور عينيها. كهارب
لمباتة بتشلع تضرب



بتضوي ضلام العتمة
ولضوء القمرة بتحجب



وزي. سماحة. اهلي
يقابلوك بألف مرحب



وزي نسمة وقت الهجعة
تغشي وجيها المتعب



وعليها لونا. تحلف
تقول دا قمح مدهب



كلاما وسكوتا زين
وما فيها شئ. اتعيب



بلمسها طيبا وهمسها
شفا القلب المعذب



يا ست بنات الجيل
وزينتن هي يا ليلب



يا الساكنة في دمي
وبعيد عنك. بتعذب



مسجونة جوا قليبى
وبشتاقلها ومنى اقرب



شفت الحب وحلاتو
من زول ولوف يا لبلب

******