شيله رثاء حزينه بلهجه يمنيه

ياخفوقي تفجر سم بالله وابداء...
واخرج اعماق حزنك في حروف القصيده

بعدها الحمدلله خير حاكم واهدى...
وحده الحي مبدي كل شي ومعيده

اح ياتاج راسي اح ياحر كبداء...
فارقتني ضياءعيني وصارت بعيده

يشهد الله جوفي يشتعل نار وقداء...
والالم يعتصر روحي بقسوه شديده

الحياه بعدموت امي عصيبه ونكداء...
كنت انسان عايش وانقطع به وريده

مهجت الروح راحت كيف تشتوني اهداء...
فالحياه بعدها تصبح حياةً نكيده

قبح الله سجني ويش من ايام سوداء...
حدني السجن عنهايوم طاحت فقيده

يوم ماانتي سكنتي ياضناءالروح لحداء...
صدني سجن عنش سجن مشدود قيده

اطلب العفو ياامه منش ارجوش شدا...
لنني ابن مااقدر يحمل امه بايده

اعذري ابن قفاء يوم قبرش ولاابدا....
ابن عاجز يسنب في ضريحش يشيده

كان نفسي اضمش بس وضعي تردا...
اعذريني امانه حين تركتش وحيده

صح دمعي تحجر مانزل او تعداء...
جفني الي عجز يستوعب انش فقيده

لكن الله شاهد داخل الصدر صدى...
والدموع ذي بجوفي طعن حامي حديده

مد ياوقت ثوب الحزن والضيق مداء..
اكتسي به ومد بكاس علقم صديده

واسقني مرها هات ماهو اعظم وارداء...
يامصايب ترامي يا الضروف الشديده

يا الم لاتبقي شي وانا قد قدا...
يا الضروف اقبلي فوقي بما لااريده

ياقرايب تخلوا كلكم فرد فردا...
ياصحب اقطعوا كل الصلات الحميده

ياخصومي توالوا واستعينوا بالاعداء...
خططوا الف خطه واتقنوا بالمكيده

اسكبوهن عليا دون عزة ومبداء...
واصنعوسجن داخل سجن واثنوحديده

واغرقوني تهم زوراً وكذباً وحقداء...
واطعنواشخص ميت قدقطعتواوريده

بت معدوم احساس قل لمن لي تحدا...
ان لي الف قدره للصعاب العتيده

ربي الله محييني وقهار الاعداء...
كلي ايمان به واثق بقووة عقيده

رحمة الله على امي قلتهادون عداء...
اسأل الله تسعد بالحياه الجديده

واسأل الله يسكنها جوار المفداء...
والدي خالدين جمعه ديارً سعيده

في الاخير البليلي قال ياكل عبدا...
اذكر الله وصلي بالصلاه الحميده

لنبي وآله الاطهار شكراً وحمدا...
مرشدالناس بأمرالله وهادي عبيده