Классташтарыма

Классташтар кыздар балдар курбулар,
Кымбатсыңар тунук мүрөк суусундай
Кыйла жылдар өтсө дагы арадан,
Кыйбай турам мен силерди сагынам.

Күндө эрте жумушума шашамын,
Күндүз иштейм кечке кайра кайтамын.
Үйгө келип ватсабымды ачканда,
Үлгүргөндү окуп чыгып жабамын.

Көөбүң эле жүрөсүңөр алыста,
Үйүңөрдү, Караванды сагына.
Ден соолукта жашап, иштеп талыкпай,
Аман-эсен болгулачы дайыма.

Кээ бириңди он жыл мурда көргөнмүн,
Кээ бириңди отуз жылдай көрбөдүм.
Кээ бириңди он төрт жаштан көрбөсөм,
Кээде ойлоном эмне үчүн деп өзүмчө.

Нурбек, Нурзат, Данаш, Чолпон, Жаныбек,
Жазасыңар салам, салам, салам деп.
Группанын эфиринде улап кеп,
Турасыңар ынтымакты бекемдеп.

Күлөсүңөр дежурныйлар чыкты деп,
Тамашалап кимдер жазбай калды деп.
Таңга маал интернетти карасам,
Телефонум айтат батпай калды деп.

Кандай сонун балалыкты эңсеген,
Окуучулук күндөр эстен кетпеген.
Балалыктын сүйүүлөрүн эстешип,
Жолугалы олтурушуп беттешип.

Припев:
Классташташтарым, алтындарым
Силерди эстеп сагынамын