Ноччу святой

Ноччу святой засвяцiла зорка,
бляскам iскрыць сцiплая пячорка.
У Бэтлеем з палеткаў i палёў
люд паспяшыў, Бога Дзiця знайшоў.
Gloria, gloria, gloria! Gloria, gloria, gloria!

Цемра вякоў адступiла ў скрусе. Эммануэль, з намi будзь, Езусе!
Спеў незямны рассеяў цемры страх,
Бог прад людзьмi раскрыў нябёс прасцяг.
Gloria, gloria, gloria! Gloria, gloria, gloria!

Неба гарыць бляскам крыл анёлаў, дорыць святло супакой наўкола.
Зорная ноч надзеяй цешыць свет,
споўнiў наш Пан свой даўнi запавет.
Gloria, gloria, gloria! Gloria, gloria, gloria!

Тры мудрацы прыбылi з Усходу
славiць Дзiця, весцiць цуд народу.
Шчасны настаў i так чаканы час:
Цела прыняў наш Збаўца дзеля нас.
Gloria, gloria, gloria! Gloria, gloria, gloria!