Кечириниз апаке

Апаке кечириңиз,..
А мүмкүн өкүндүңүз,
Сыздатсам көңүлүңүз.
Ой-санаа, түйшүк берип,
Кыскартсам өмүрүңүз.

Апаке алкыш айтам,..
Мен сизге жүгүм арттым,
Кыйнадым, күйүт салдым.
Билгизбей ошондо да,
Көтөрүп, күйүп-жандың.

Апаке таазим сизге,..
Оорусам карадыңыз,
Жыгылсам таядыңыз.
Жалынып жаратканга,
Мени ойлоп аядыңыз.

Апаке кечириңиз,..
Агартсам чачыңызды,
Оорутсам башыңызды.
Муңайтып карегиңиз,
Чыгарсам жашыңызды.