ياللأسف والله ياشعبي اسف

ياللأسف والله ياشعبي اسف
قد ناصفة شعب اليمن صايم عطوف

من بعدما قد كان عايش في ترف
والقات حق القات يصرفها الوف

لو ترتفع حاجه يصيح ما وقف
واذا تأخر راتبه ساعه يعوف

ما الان قد وضعه تغير واختلف
لا لسن به يحكي ولا عينٍ تشوف

والوضع خارب من طرفها لا الطرف
والامن ضايع والحياه ذله وخوف

وتقسمت ارضي الى عدة شظف
والصف تشطط والعدو لم الصفوف

والشعب حتى من عدوه ما عرف
عاد ناصفة شعبي مع اعدائه وقوف

الموت رحمه صار والعيشة قرف
والكل يشكي من قساوات الضروف

والشعب عايش له على الدين والسلف
قد صار ناسي كيف يجي لحم الخروف

والمغترب حاله كما مجني اعترف
انه هو الجاني ولا شي له نصوف

ماحد مصدق له وحتى لو حلف
في بالهم انه بيغرفها غروف

كتبت لجل الشعب لوما الحبر جف
بالدم حطيت النقط فوق الحروف

كلمات طارق الجدل