يوم الوداع

يوم الوداع حسيت في القلب ضيقه
كنت ابتسم والقلب فيه هم واحزان
مااحب اشوف الحزن يلمع بريقه
بعيونهم او دمعهم فوق ال اوجان

اخفي وراى بسمة شفاتي حقيقه
ان الوداع قبر المفارق وال اكفان
يمشي على درب الالم في طريقه
يعيش في غربه ولوعه وحرمان

الروح من هجر الحبايب غريقه
داخل بحور الهم والطرف سهران
شوقي لهم اشعل بقلبي حريقه
ماتنطفي والقلب للوصل عطشان

ل اتذكر ال خلان تسمع شهيقه
كنه شبيه الرعد والدمعه امزان
هذا الزمن خلاه فارق عشيقه
في غربته مجروح حاير وضيقان

يقول لو شاف الطيور الطليقه
هنيت لك ياطير عندك جناحان
حملتنا يا وقت ما لا نطيقه
حرمتنا شوف الحبايب والا وطان

لولا الظروف ماغبت عنهم دقيقه
ولا شربت المر في الغربه الوان
حان الوداع والو صل قد جف ريقه
وهو يقول يوم الوداع ليت ماكان

حان الوداع والو صل قد جف ريقه
وهو يقول يوم الوداع ليت ما كان