Ана туралы ән

Апатайым-анам, жан жетер ме саған,
Бар әлемнің нұры өзіңнен тараған
Мейірімге толы, көздеріңе қарап
Жан жылуын сенің жүрегіңнен табам.

Қайырмасы:
Аяулы анам, асыл анам, анашым!
Мен үшін әрдайым қымбат данасың
Сәби жүрек арнайды әнмен тілегін
Жүре берші аман, көз алдымда менің.

Түн ұйқыңды бөліп, бір мен үшін тынбай,
Әлдиледің, көздің ақ пен қарасындай.
Ақ сүт беріп мені аялаған анам
Жүрегің кең байтақ қазақ даласындай.

Қайырмасы:
Аяулы анам, асыл анам, анашым!
Мен үшін әрдайым қымбат данасың
Сәби жүрек арнайды әнмен тілегін
Жүре берші аман, көз алдымда менің.