مبتكر

القَلْب مِنْ هَمِّه امْكابِرْ
لَكِنَّ صَوْتُهْ بِصَدْرِي ذَلْ
يا عَيْنْ شُوفِي الزَّمَنْ غادِرْ
والعَدْلْ فِي عَصْرِنَا مُخْتَلْ
والحَقْ ما عادْ لَهْ ناصِرْ
والجَوْرْ فِي سُوقِنا يَحْتَلْ
الأَمْن فِي خِدْمَةَ الفاجِرْ
يَسْكَرْ ويَزْنِي وَلا يُسْأَلْ
والعاقِلَ اعْمَى وهُوْ باصِرْ
يَحْكُم بِغَيْرَ الهُدَى والعَقْلْ
المُفْسِدَ اليَوْمْ صارْ آمِرْ
والحَقْ فِي حَضْرَتُهْ يُعْزَلْ
رَزَّازْ قَدْ خَيَّبَ الخاطِرْ
فِي حَضْرَةَ الظُّلْمْ يِتْجَمَّلْ
الشَّوْكْ فِي الأَمْنْ مُتْكَاثِرْ
والوَرْدْ فِي بابْهُم يَذْبَلْ
العِرْضْ فِي سُوقَهُم تاجِرْ
يُباع مِثْلَ الغَنَمْ والخَلْ
رِيَاضْ شَيْخْ الفَسادْ داشِرْ
ما خافْ رَبّ السَّمَا الأَعْدَلْ
هامُورْ نَهَّابْ ومُتْفاخِرْ
مُحْتَلّ أَرْض اليَتِيمْ واسْأَلْ
يا بُو لُؤَي قِمْرَكُم خاسِرْ
مَكْشوفْ ظاهِرْ مِنَ الأَوَّلْ
وَدَّفْ بِكُم عَبْدَ الناصِرْ
ما حَدْ يَعَوِّلْ عَلَى أَهْبَلْ
رِيَاضْ يا المُشْرِفْ الفاغِرْ
النَّاسْ لِلْحَقّ تِتْقَبَّلْ
تِمْشِي مَعَ العَيْبْ وتْجَاهِرْ
وَلْكُلِّ مَخْنوثْ تِتْوَكَّلْ
الخُبْثْ فِيبَكْ غَدَا ظاهِرْ
والمَكْرْ فِيبَكْ قَدِ اتْغَلْغَلْ
شاعِيشْ واهْجِيكْ يا فاجِرْ
وأَرْجُو مِنَ الله يَتْقَبَّلْ
ما تْخافْ رَبّ السَّمَا القاهِرْ
وَلا رَضِيتْ يَوْمْ تِتْعَدَّلْ
جَرَّارْ فِي نَزْعَتَكْ كافِرْ
وَسْطَ المَجارِينْ تِتْجَوَّلْ
النَّاسْ ما بَيْنَهُم ساتِرْ
كُلِّنْ عَلَى جارُهْ اتْسَلَّل