بس لا

راجع تقول آسف على اللي كان
وانك مُش قادر تنساني
راجع تقول خلاص ندمان
وإنك عايزنا نرجع تاني

راجع تقول إني حُب حياتك
وإنك من غيري عايش وَحيد
من امتي يعني كَنت في حِساباتك
انت باين عليك إنسان مَريض

بس لاء  ... ما ترجعليش
اللي يِكسر قلبي ما يلزمنيش
انت حُر في حياتك خلاص لكن
رجوع تاني لا منه مفيش


راجع ليه خلاص انا مش رجعالك
اللي انت شايفها دلوقتي قُدامك
بتقولك متخليش حتي خيالك
يوهِمَك تصَلح حاجات فيا كسرتها

راجع ليه انسي اللي كان واللي فات
كان بينا ماضي كان بينا ذكريات
الاحسن إنك تِمشي من سُكات
انت مُش قد ولا كِلمة قولتها

بس لاء ... ما ترجعليش
اللي يِكسر قلبي ما يلزمنيش
انت حُر في حياتك خلاص لكن
رجوع تاني لا منه مفيش



كنت بعيشلك وبنسى انا مين
ده انت صَنفك مش بني أدمين
امشي وكفاية إهانة ليك
ده انا كده ماسكة لِساني عليك