ເ ພງ ພະເວດສັນດອນເຕັມຮູບແບບ

ພະເວດສັນດອນ ມະທີງາມງອນອ້າຍຖາມຈາກໃຈ
ມັດທີຮັກພະເວດຊໍາໃດ ເໜືອກວ່າສິງໃດສ້າງບາລະມີມາ
ທານລູກທານເມຍ ຢ້ານເຈົ້າເສຍດາຍເສົ້າໃຈແກ້ວຕາ
ພ້ອມທັງສາລີກັນຫາ ແພງປານໜ່ວຍຕາຮັກລົ້ນດວງໃຈ
ສວຍແຖມໃຈດີ ມັດທີເມຍມູນຂອງອ້າຍ
ເຂົາວົງກົດຄູ່ຄຽງສິດໃກ້ ດຸ່ງດັ້ນມາໄກຈາກຈອນຮັງຄອນ
ຮັກຍັງທ່ຽງໝັ້ນ ຮັກນິດນິລັນຮັກດຽວແນ່ນອນ
ຜູກໝັ້ນກອດກ້ຽວຮຽງຊ້ອນ ມັດທີງາມງອນເມຍພີ່ໃຈດີ
ບັດນີ້.........ຈັກໄດ້ພັນລະນາເລື່ອງນິທານເກົ່າຊາດົກ ຊາດທີ10ຊິຍໍ່ຍົກ ເລື່ອງພະເວດສັນດອນເຈົ້າ ເອົານິທານມາເວົ້າ ສອນຄົນສະໄໝໄໝ່ ໃຜທີ່ຍັງບໍ່ຮູ້ຟັງທອນຢ່າຢູ່ເຊີຍ ໃຜທີ່ເຄີຍຮູ້ແລ້ວ ເລື່ອງພະເວດທານເມຍ ບໍ່ມີເສຍໃຈນຳເລີຍເພີ່ນວາງເສີຍແຕ່ດົນແລ້ວ ແມ່ນແຕ່ສອງດວງແກ້ວ ແນວໜໍ່ຂອງຕົນເອງ ເພີ່ນບໍ່ເກງໃຈເມຍລັກທານໃຫ້ພາມຈ້ອຍ ມັດທີຊອຍວອຍເອີ້ນຫາບຸດຕາລູກອ່ອນ ບໍ່ຮູ້ວ່າພະເວດສັນດອນ ໄດ້ທານລູກແກ່ນຫຼ້າ ນໍາຕາຍ້ອຍວ່າຍ່າວໄຫຼ..............ລູກຄຳເອີຍ..............ເອີຍ..........
ບຳເພັນພຽນຕະບະ ຍົກລູກຫຼ້າທານໃຫ້ຕາພາມ
ພະຍາອິນລອງໃຈເວດຊໍ້າ ທານເມຍຄົນງາມນໍ້າຕາລິນໄຫຼ
ຖາມເຫດແລະຜົນ ໜາດຫຼ້າໜ້າມົນມັດທີຮັກໃຜ
ລູກເມຍເວດແພງສຸດຫົວໃຈ ຕາຍແທນຍັງໄດ້ເຊື່ອຜົວຄົນນີ້
ນິທານເລື່ອງເລົ່າ ຄວາມຮັກຂອງພະເຈົ້າສິບຊາດປາງກອນ
ເຖິງບັ້ນເຂົ້າສູ່ນະຄອນ ເຫັນລູກນ້ອຍອ່ອນກັນຫາສາລີ
ອ້າຍລອງໃຈເຈົ້າ ມັດທີເມຍເຄົ້າພັນຍາຂອງພີ່
ຕາຍເກີດຊາດໃດຂໍຄູ່ຄົນດີ ໃນໃຈອ້າຍນີ້ ລ້ານປີມີແຕ່ນ້ອງ
ຮັກໃຜບໍ່ໄດ້ເນື້ອທອງ ແມ່ຜູ້ທີ່2ກໍ່ຄືມະທີ
ມາເຖິງຕອນ2 ອ້າຍຮັກນ້ອງຄືພະເວດຮັກມະທີ
ຈະຮັກນ້ອງຈົນສິ້ນຊີວີ ບໍ່ມີທານຍົກໃຫ້ໃຜດອກ
ອ້າຍລະບໍ່ທັນໄດ້ ຖ້າຂາດເຈົ້າໄປຄົງຈະຊໍ້າຊອກ
ເຮັດບໍ່ໄດ້ຄືພະເວດບອກ ນອກສາຈາກໝົດລົມຫາຍໃຈ
ທານລູກແຮງໄກ ເຮັດບໍ່ໄດ້ດອກເດີຄົນດີ
ທັງບຸດຕາແລະບຸດຕີ ເລືອດເນື້ອນີ້ອ້າຍທານບໍ່ໄດ້
ທານເງິນທານຄຳ ທານສິງຂອງກໍ່ຍັງພໍໄຄ
ທານລູກເມຍນີ້ເປັນເລື່ອງໃຫຍ່ ຖ້າຂື່ນທານໄປຄົງຈະບໍ່ໄດ້ລູກເມຍກັບຄືນ.......