Республикам менің

Шыңдардың шыңы асқарлы,
Ақиқаты бар астарлы.
Тәуелсіздігін алған соң,
Қазақы өмір басталды.
Қазақстаным мекенім,
Өзіңді мақтан етемін.
Алдағы биік арманға,
Өзіңмен ғана жетемін
Республикам менің!
2. Өзіңсің асқақ мұратым,
Мақтанышым деп ұғатын.
Елім деп соққан жүректің,
Төрінде әр кез тұратын.
Егемен елім – дастаным,
Жарқырап тұрсын аспаның.
Көк туым биік желбіреп,
Жалындай берсін жастарың.
Республикам менің!
3. Арайлап атсын таңдарың,
Қырандай асқақ арманың.
Алаштың салған ізімен,
Бабалар жолын жалғадың.
Әлемге құшақ ашасың,
Достықтан шуақ шашасың.
Тұғырың әр кез биікте,
Қазақстаным жасасын!
Республикам менің!