Қызым

Әнімді саған арнадым қызым,
Асылым сенсің, арманым қызым.
Қызғалдақ гүлім,
Үміттің тінін,
Ізгі арманымды жалғадың, қызым.
Бақытты, баянды
Болшы сен аяулым
Түспесін қаяу мұң жүзіңе.
Еркеназ- еркемсің
Ерекше көркемсің
Тамшыдай түскенсің үзіле.
Сағындым сәби кезіңді қызым,
Бойжеткеніңді сезіндім қызым.
Өмірің алда,
Асқақ қой арман.
Ұйықтатып алма сезімді қызым.