мохаббат

Ямғыр тамсыларын устарыма алам,
Һинһеҙ ҡалдым, йәрем, дуҫтарһыҙ ҙа ҡалам.
Йәшенле төндәрҙә тәҙерәмде асам,
Төн менән серләшеп, яңғыҙлыҡтан ҡасам.
Ямғырҙай түгеләләр күҙ йәштәр, күҙ йәштәр,
Хистәребеҙ ҡушылғанда күк йәшнәр, күк йәшнәр.
Күбәләктәй ҡағына тәҙерәм ишектәре,
Йөрәгем һағыштарын йәшендән ишет, йәрем.
Ямғыр тамсылары устарымды йыуа,
Йәшенле күктәрҙә серле юлдар тыуа.
Әйтер һүҙҙәрең тип уны ҡабул итәм,
Яңғыҙ тормошомда ҡабат табыл, иркәм.
Беҙ йөрөгән һуҡмаҡ сағыла йәшендә,
Беҙ ултыртҡан муйыл балҡый йәнәшәмдә.
Тәҙерәмде йыуа төнгө һалҡын ямғыр,
Таң еле һиҙелә, ә мин һаман яңғыҙ.