سؤال

سؤال
كلماتى محمد تريكة

لما عينى جت فى عينك
حسيت انها بتقول كلام
واما شوفتك قلبى سلم
طب قرب وارمى السلام

مش عارف ده شكله حب
ولا قلبى وقع وطب
ولا في قدام مطب
ينهى كل اللى اتقال قوام

منكرش اعجبت بيكى
وممكن قلبى يكون شاريكى
بس مش من يوم وليلة
تبقى فى بالى لما انام

ممكن اسرح فيكى اكتر
او ساعات بقعد افكر
ازاى انا اعجبت بيكى
يالى رموشك دول سهام

فى سؤال محتاج جواب
انتى خدتى قلبى منى
ولا زودتى التمنى
ولا انا بقول كلام

عارفه انا حاسس بايه
حاسس انى عايز اشوفك
وكفوفى تلمس كفوفك
تتعمى عين اللى يشوفك
ومايصليش على النبى خير الانام

اللى يدخل قلبى ده
يبقى من ضمن الاحبه
والحبيب مكانته عاليه
بكل حب واحترام

فى الاخر بقول سلام
وفى جوايا ليك كلام
لو شوفتك فى يوم هقوله
ولا ماشوفتكش اكيد
اكيد هشوفك فى المنام

تحياتى محمد تريكة